"Вильярреал" ҳужумчиси Арно Данжума фаолиятини Нидерландия чемпионатида давом эттириши мумкин, деб хабар беради De Telegraaf.
Манбага кўра, "Фейеноорд" 26 ёшли нидерландияликни бир мавсумга ижарага олмоқчи.
Данжума 2021 йилда "Вильярреал"га ўтганди. Унинг клуб билан шартномаси 2026 йилнинг 30 июнига қадар мўлжалланган. Transfermarkt портали футболчининг нархини 25 миллион еврога баҳоламоқда.
2023 йилнинг январидан буён ҳужумчи "Тоттенхэм"да ижара асосида ўйнамоқда. Данжума инглиз клуби сафида 12 та ўйин ўтказиб, 2 та гол урган.