"Vilyarreal" hujumchisi Arno Danjuma faoliyatini Niderlandiya chempionatida davom ettirishi mumkin, deb xabar beradi De Telegraaf.
Manbaga ko‘ra, "Feyenoord" 26 yoshli niderlandiyalikni bir mavsumga ijaraga olmoqchi.
Danjuma 2021 yilda "Vilyarreal"ga o‘tgandi. Uning klub bilan shartnomasi 2026 yilning 30 iyuniga qadar mo‘ljallangan. Transfermarkt portali futbolchining narxini 25 million yevroga baholamoqda.
2023 yilning yanvaridan buyon hujumchi "Tottenxem"da ijara asosida o‘ynamoqda. Danjuma ingliz klubi safida 12 ta o‘yin o‘tkazib, 2 ta gol urgan.