"Реал" ва Уельс терма жамоасининг собиқ вингери Гарет Бэйл 33 ёшида фаолиятини якунлаш ҳақидаги қарори ҳақида гапирди.
"Футболни севишни тўхтатдим деб айта олмайман. Мен хоҳлаган ҳамма нарсага эришдим. Афсусланадиган ҳеч нарса йўқ. Фаолиятимдан тўлиқ қониқиш ҳосил қилдим. Менга футбол майдонига чиқиш ёқарди, лекин у оилам билан кўпроқ вақт ўтказишни хоҳлаган даражага етди. Болалар жуда тез ўсади, мен жуда кўп нарсаларни ўтказиб юбордим", - деди Бэйл Goal.com билан суҳбатда.
Бэйл 2013 йилдан 2022 йилгача "Реал"да ўйнаган. У Лондоннинг “Тоттенхэм”, “Саутгемптон” ва “Лос-Анжелес” клубларида ҳам ўйнаган.
