"Рома" ҳужумчиси Пауло Дибала ёзги трансфер ойнасида Англияга кўчиб ўтмаслик эҳтимоли катта.
29 ёшли футболчининг "Челси"га ўтиши мумкинлиги ҳақидаги миш-мишлар бир неча кун аввал пайдо бўлганди. Бироқ журналист Сезар Луис Мерлонинг хабар беришича, Лондон клуби аргентиналик футболчини таклиф қилишдан манфаатдор эмас. Трансфер амалга ошмайди.
Пауло Дибала ўтган ёздан бери "Рома" шарафини ҳимоя қилмоқда. Сўнгги мавсумда ҳужумчи Жозе Моуриньо жамоасининг барча мусобақаларда 38та ўйинида қатнашиб, 18та гол ва саккизта голли узатмани амалга оширди. Transfermarkt портали футболчининг трансфер қийматини 30 миллион еврога баҳоламоқда.