"Roma" hujumchisi Paulo Dibala yozgi transfer oynasida Angliyaga ko‘chib o‘tmaslik ehtimoli katta.
29 yoshli futbolchining "Chelsi"ga o‘tishi mumkinligi haqidagi mish-mishlar bir necha kun avval paydo bo‘lgandi. Biroq jurnalist Sezar Luis Merloning xabar berishicha, London klubi argentinalik futbolchini taklif qilishdan manfaatdor emas. Transfer amalga oshmaydi.
Paulo Dibala o‘tgan yozdan beri "Roma" sharafini himoya qilmoqda. So‘nggi mavsumda hujumchi Joze Mourinyo jamoasining barcha musobaqalarda 38ta o‘yinida qatnashib, 18ta gol va sakkizta golli uzatmani amalga oshirdi. Transfermarkt portali futbolchining transfer qiymatini 30 million yevroga baholamoqda.