Амстердамнинг “Аякс” клуби етакчиларидан бири Душан Тадич Туркия топ-клуби футболчисига айланиши мумкин.
Журналист Ягиз Сабунчўғлининг хабар беришича, “Бешиктош” сербиялик ҳужумчи учун расмий таклиф билан чиққан. Қайд этилишича, “оқ-қоралар” раҳбарияти амстердамликлар сардорига икки йиллик шартнома, жумладан, шартномани яна бир мавсумга узайтириш имкониятини таклиф қилмоқда. "Бешиктош" "Аякс"нинг 10-рақами трансфери учун пул тўламоқчи эмас.
Эслатиб ўтамиз, Душан Тадич Нидерландия грандида 2018 йилдан буён ўйнаб келмоқда. 241 учрашувда у барча мусобақаларда 105 та гол урган. Transfermarkt портали 34 ёшли ҳужумчининг нархини олти миллион еврога баҳоламоқда.