Amsterdamning “Ayaks” klubi yetakchilaridan biri Dushan Tadich Turkiya top-klubi futbolchisiga aylanishi mumkin.
Jurnalist Yagiz Sabuncho‘g‘lining xabar berishicha, “Beshiktosh” serbiyalik hujumchi uchun rasmiy taklif bilan chiqqan. Qayd etilishicha, “oq-qoralar” rahbariyati amsterdamliklar sardoriga ikki yillik shartnoma, jumladan, shartnomani yana bir mavsumga uzaytirish imkoniyatini taklif qilmoqda. "Beshiktosh" "Ayaks"ning 10-raqami transferi uchun pul to‘lamoqchi emas.
Eslatib o‘tamiz, Dushan Tadich Niderlandiya grandida 2018 yildan buyon o‘ynab kelmoqda. 241 uchrashuvda u barcha musobaqalarda 105 ta gol urgan. Transfermarkt portali 34 yoshli hujumchining narxini olti million yevroga baholamoqda.