Санкт-Петербургнинг "Зенит" жамоаси ҳужум чизиғи етакчиси Малком фаолиятини Саудия Арабистони чемпионатида давом эттириши мумкин. Бу ҳақда футбол агенти Тимур Гурцкая айтиб ўтди.
“Бизда Малком Саудия Арабистонига кетиш арафасида эканлиги ҳақида маълумотлар бор. Деярли 50 миллионлик таклиф олинди", деди Гурцкая телеграм каналида.
Агент шунингдек, бразилиялик ҳужумчининг маоши йилига 10-12 миллион еврони ташкил этишини ҳам қайд этган.
26 ёшли бразилиялик футболчи 2019 йилнинг август ойидан буён "кўк-оқ-кўклар" сафида тўп тепмоқда. Унинг шартномаси 2027 йилнинг июнь ойи охиригача амал қилади.
Ўтган мавсумда Малком 27 учрашувда 23 та гол уриб, РПЛнинг энг яхши тўпурари бўлди.