"Рома" бош мураббийи Жозе Моуриньо ҳужумчи Пауло Дибаланинг келажаги ҳақидаги саволга жавоб берди.
"Мен унинг шартномаси ҳақида ҳеч нарса билмайман. Шубҳасиз, мен Пауло билан жамоадаги бошқа барча футболчилар каби бир хил тарзда гаплашаман", - деди Моуриньо LaRoma24 нашрига.
Аввалроқ, Дибаланинг ўзи бор эътиборини "Рома" билан мавсумолди тайёргарликка қаратганини айтганди. 29 ёшли аргентиналик футболчининг фикрича, у Рим клубида бахтли.
Ҳаммаси бўлиб Пауло Дибала "Рома" сафида 38 та расмий ўйин ўтказган. Уларда ҳужумчи 18 та гол ва шерикларига 8 та голли узатма ёздириб қўйган.
