"Милан" бош мураббийи Стефано Пиоли матбуот анжуманида клубнинг собиқ техник директори Паоло Мальдини билан муносабатлари ҳақидаги саволга жавоб берди.
“Мен Паоло Мальдини ва Рики Массарага раҳмат айтмоқчиман, мен ҳеч қайси менежер билан кўп ишлаганим йўқ, бироқ улардан кўп қарздорман.
Ҳурматга асосланган яхши иш муносабатларимиз бор эди, яхши тил топишдик. Албатта, айниқса чемпионлик мавсумидан кейин кўп баҳслар бўлди, лекин ҳурмат доим сақланиб қолди.
Энди "Милан" йўналишини ўзгартиришга қарор қилди. Менинг ролим ўзгарганми? Мен ҳар доим лойиҳанинг марказида ўзимни ҳис қилганман.
Мен Паоло ва Рики билан гаплашардим. Бу ой жуда кўп ишладим, бизга қўшилиши мумкин бўлган футболчилар билан гаплашдим, шунинг учун ишим унчалик ўзгармади.
Дастлаб, мендан фикр билдиришимни сўрашади ёки баъзи ўйинчиларга қизиқишимни сўрашади. Мен музокаралар олиб бормайман, молиявий низоларни ҳал қилишда иштирок этмайман, лекин мендан доим футболчилар ҳақида сўрашади", - дея Пиолининг сўзларини келтиради Milan News.
