"Барселона" ҳужумчиси Алекс Кольядо "Реал Бетис"га ўтишга яқин турибди.
Нуфузли футбол инсайдери Фабрицио Романонинг сўзларига кўра, Алекс Кольядо ниҳоят "Бетис"га ўтади ва шартнома аллақачон ёпиқ деб ҳисобланиши мумкин. Тахминларга кўра, клублар ўртасидаги келишувда каталонияликларга 24 ёшли футболчининг келажакда қайта сотилишининг 30 фоизини олиш имконини берувчи банд бўлиши кутилмоқда.
Бундан ташқари, манбанинг хабарига кўра, "Бетис" яна икки футболчи: ярим ҳимоячи Марк Рокки ва ҳимоячи Эктор Бельерин трансферини тайёрламоқда. Улар ҳам яқин кунларда клуб сафига қўшилишмоқчи.