Sky Sports хабарига кўра, "Эвертон" ҳимоячи Эшли Янг билан шартнома имзолашга яқин турибди.
Манбага кўра, клуб яқин икки кун ичида 38 ёшли англиялик билан келишувга эришиши мумкин.
Олдинроқ, Янг "Эвертон" учун Премьер-лига, Чемпионшип ва бошқа Европа чемпионатларининг бир қатор клубларидан тушган таклифларни рад этгани ҳақида хабар берилганди.
Янг - эркин агент. Ҳимоячининг аввалги клуби "Астон Вилла" бўлиб, у 2021 йилнинг июлидан 2023 йилнинг июнигача бирмингемликлар сафида ўйнаган.