"Интер" "Шахтёр" билан дарвозабон Анатолий Трубиннинг трансфери бўйича ва "Бавария" билан Ян Зоммернинг трансфери борасида музокаралар олиб бормоқда, деб хабар беради The Times.
Манбага кўра, "нерадзуррилар" 21 ёшли украиналик футболчини 12 миллион еврога баҳоламоқда. 34 ёшли швейцариялик учун италияликлар тахминан 4 миллион тўлашга тайёр.
Трубин ўтган мавсумда 38 та ўйинда майдонга тушиб, 14 тасида ўз дарвозаси даҳлсизлигини сақлаб қолган. Зоммер "Бавария" учун 36 та ўйин ўтказди ва улардан 12 таси дарвозасини қуруқ сақлади.