Стивен Жеррард яқинда Саудиянинг "Ал-Иттифоқ" клубига мураббий бўлди. Собиқ футболчи Криштиану Роналду тўп тепадиган Саудия чемпионати дунёдаги энг яхши чемпионатлардан бирига айланиб бораётганини айтди.
- Саудия чемпионати дунёнинг энг яхшиларидан бирига айланиши мумкин. Мен бунга шубҳа қилмайман. Бу ерда ҳамма ниҳоятда интилувчан, ҳамма турнирни ўсишини ва ривожланишини хоҳлайди. Бу ерда ўзимни дарҳол уйдагидек ҳис қилдим", - дейди Жеррард.
Эслатиб ўтамиз, ўтган йилнинг охирида Жеррард Англиянинг “Астон Вилла” клубидан ҳайдалган эди.
