"Ювентус"нинг франциялик ярим ҳимоячиси Поль Погба Саудия Арабистони клублари учун орзу қилинган мақсад бўлиб қолмоқда.
Журналист Жованни Альбанезенинг хабар беришича, Про-лиганинг номи ошкор этилмаган клуби ярим ҳимоячининг ҳозирги жамоасига умумий маоши 150 миллион евро бўлган уч йиллик шартнома таклиф қилиб, жаҳон чемпионини қўлга киритмоқчи. Қайд этилишича, “кекса синьора” раҳбарияти келишувга аралашмайди.
Аввалроқ Погбага 100 миллион евро маош таклиф қилган "Ал-Иттиҳод" клуби қизиқиш билдираётгани ҳақида хабар берилганди. Футболчининг ўзи Евро-2024да ўйнаш истаги туфайли Италия чемпионатини тарк этишдан бош тортди. Поль Погба 2022 йилнинг ёзидан буён “Ювентус”да тўп тепади.