Мадриднинг “Атлетико” клуби президенти Энрике Сересо Диего Симеоненинг келажаги ҳақида ўз фикрлари билан ўртоқлашди.
2011 йилдан буён “матрасчилар”ни бошқариб келаётган аргентиналик мураббийнинг амалдаги шартномаси келаси мавсум якунида якунига етади.
“Симеоне ажойиб мураббий, у биз учун ниҳоятда муҳим. У шу қадар узоқ вақтдан бери шу ерда эдики, шартномани янгилаш масаласи бизни умуман безовта қилмаяпти - биз у хоҳлаганини қиламиз. Эҳтимол, у янги шартнома имзолашни хоҳлайди - агар шундай бўлса, биз уни имзолаймиз. Ўйлайманки, агар биз ундан қолишини сўрасак, у рози бўлади", - дея "Атлетико" раҳбарининг сўзларини келтиради Relevo.