Мюнҳеннинг "Бавария" клуби яримҳимоячиси Арьен Роббен Германия кубоги 1/16 финалида "Кайзерслаутерн"га қарши кечган учрашуван кейин фикрларини билдирди, дея хабар беради немис матбуоти.
Юпп Ҳайнкес шогирдлари меҳмонларни тўрт марта майдон марказидан ўйин бошлашга мажбур қилдилар ва голландиялик футболчи дубльга эришди.
"Ўйин ҳисоби даҳшатли кўринади, аммо осонликча ғалаба қозонмадик. Анча тер тўкишимизга тўғри келди, рақиб жиддий қаршилик кўрсатди. Аммо биз ажойиб иш кўрсатдик ва мен жамоадошларим билан фахрланаман", - дейди Роббен.
Эслатиб ўтамиз, яқинда Роббен бир неча марта фаолиятини якунламоқчи бўлганини тан олганди, унинг бу қарори доимий жароҳатлар билан боғлиқ эди.
