"Удинезе" ярим ҳимоячиси Жерар Деулофеу жамоа билан шартномасини узайтирди.
29 ёшли испанияликнинг янги шартномаси 2026 йилнинг ёзига қадар мўлжалланган. У 2020 йилдан бери Италия клубида ўйнаб келмоқда.
Деулофеу ўтган мавсумда жамоа сафида барча турнирларда 18 та ўйинда майдонга тушиб, 3 та гол урди ва 7 та голли узатмани амалга оширди. У жароҳатлар туфайли мавсумнинг катта қисмини ўтказиб юборди.