"Ницца" ярим ҳимоячиси Кефрен Тюрамга "Бавария", "Боруссия Дортмунд" ва "Ливерпуль" қизиқиш билдирмоқда, деб хабар беради Footmercato.
Манбага кўра, "Ницца" 22 ёшли франциялик футболчини 50 миллион евро эвазига қўйиб юборишга тайёр, бироқ бу нарх футболчига даъвогарларнинг ҳеч бирига тўғри келмайди.
Тюрам ўтган мавсумда барча турнирларда 48 та ўйинда майдонга тушиб, 2 та гол урди ва 8 та голли узатмани амалга оширди. Унинг "Ницца" билан шартномаси 2025 йилнинг ёзига қадар мўлжалланган.