Саудиянинг “Ал-Ҳилол” клубининг янги футболчиси, сербиялик ярим ҳимоячи Сергей Милинкович-Савич ижтимоий тармоқлар орқали собиқ жамоаси билан хайрлашди. Эслатиб ўтамиз, серб "Лацио"да саккиз йил ҳаракат қилди.
“Бугун мен учун алоҳида кун. Ва тўғри сўзларни топиш қийин. Римга келганимдан бери саккиз йил ўтди. Биз бирга бошдан кечирган ҳамма нарсани ҳеч қачон унутмайман. Буларнинг барчаси менинг қалбимда қолади. Жамоамиз ҳақиқий оилага айланди, бу ерда мен кўп нарсаларни ўргандим. Биз билан бирга ишлаган мураббийлар ва барча ходимларга раҳмат. Мухлисларга алоҳида раҳмат. Олға, Лацио! Сиз абадий менинг иккинчи уйим бўлиб қоласиз ", деб ёзади футболчи.
Милинкович-Савич чоршанба куни кечқурун "Ал-Ҳилол"га ўтди, миш-мишларга кўра, футболчи мавсумига 20 миллион евродан ортиқ маош билан шартнома имзолаган.