"Барселона" бош мураббийи Хави Эрнандес ярим ҳимоячи Бернарду Силванинг трансферини истамоқда.
Мутахассис раҳбариятдан ҳар қандай нархда ҳам португалияликни олишни сўради. Бу ҳақда журналист Ферран Мартинес ижтимоий тармоқларда хабар берди.
Манбанинг таъкидлашича, "Барселона" ҳозирда Силва трансферини амалга ошириш қанчалик қийин бўлишини тушуниб турибди.
Шу билан бирга, раҳбарият Бернардуни қўлга киритиш йўлини топиш учун ҳамма нарсани қилади. Вариантлардан бири - сотиб олиш мажбурияти билан ижара.
Эслатиб ўтамиз, айни пайтда Силвага Франциянинг "ПСЖ" ва Саудия Арабистони клублари ҳам қизиқиш билдирмоқда.