ОКМК жамоаси бир қатор ўйинчиларини ўйин амалиётига кўпроқ эга бўлиши мақсадида турли жамоаларга ижарага беришга қарор қилди. Бу ҳақда клуб матбуот хизмати хабар берди.
Ўнг қанот ҳимоячиси, Ўзбекистон олимпия терма жамоамизга номзод Элдорбек Бегимов «Олимпик» жамоасига бориб қўшилган бўлса, иқтидорли ҳужумчи Бобурбек Собиров «Қўқон-1912» жамоасига ўтди.
Мавсум бошида жамоага Грузиянинг «Самгурали» клубидан келиб қўшилган Иракли Рухадзе эса мавсум якунига қадар Грузиянинг бошқа бир жамоаси «Телави» жамоасига ижарага берилди.
Шунингдек, кўп йиллар мобайнида олмалиқликлар шарафини ҳимоя қилган Муроджон Тошматов ва Мирғиёс Сулаймонов билан ўртадаги битим ўзаро келишувга кўра бекор қилиниб, дўстона хайрлашилди.
