"Фиорентина" ярим ҳимоячиси Софьян Амрабат жамоани тарк этмоқчи, деб хабар беради La Gazzetta dello Sport.
Манба берган хабарга кўра, 26 ёшли марокашлик "бинафшаранглар" раҳбариятига жамоани тарк этиш истаги борлигини айтган. "Фиорентина" ярим ҳимоячини 35 миллион евро эвазига қўйиб юборишга тайёр.
Амрабатнинг ўзи Чемпионлар лигасида ўйнайдиган клублардан бирига ўтишни кутмоқда. Унга "Атлетико", "Барселона" ва "Манчестер Юнайтед" клублари қизиқиш билдирган.
Амрабат “Фиорентина” сафида 2020 йилдан буён тўп тепади. 2022/23 йилги мавсумда у флоренцияликлар сафида барча мусобақаларда 49 та ўйинда майдонга тушиб, битта голли узатмани амалга оширган.
