Саудиянинг “Аш-Шабаб” клуби раҳбарияти “Рома” ҳимоячиси Леонардо Спинаццолага таклиф билан чиқди. Бу ҳақда инсайдер Николо Скира ижтимоий тармоқлар орқали маълум қилди.

Журналистнинг сўзларига кўра, Саудия Арабистони чемпионати вакили аллақачон Италия томони вакиллари билан музокараларга киришган. Клуб Спинаццолага 2026 йилнинг ўрталарига қадар мўлжалланган узоқ муддатли шартнома таклиф қилди.

Леонардо Рим жамоасида 2019 йилнинг июлидан бери ўйнаб келмоқда. Томонлар ўртасидаги амалдаги меҳнат шартномаси муддати 2024 йилнинг ўрталаригача ҳисобланади. Ҳимоячининг трансфер нархи ўн миллион еврога баҳоланмоқда.