Бразилиянинг «Сантос» клуби ҳужумчиси Неймар «Барселона» клуби ҳужумчиси Лионель Месси билан бир жамоа сафида майдонга тушса, хурсанд бўлишини таъкидлаб ўтди.
«Месси» жамоасида тўп суриш — бу орзу. Мен ҳаттоки, у билан бирга шунчаки машғулотлар олиб борсам ҳам хурсанд бўлардим».
«Мен учун дунёда бошқаларга қараганда кучлироқ бўлган учта футболчи бор — Месси, Криштиану Роналду ва Иньеста. Аммо уларнинг ичида ҳам Месси энг яхшиси албатта. Унинг майдонда бажарган ишларидан кўпроқ ишни бошқа бирор-бир футболчи қила олмайди».
«Месси мени мақтовга лойиқ кўрса, доим тасаввур қилиб бўлмас даражада хурсанд бўламан. Буннг учун унга фақат миннатдорчилик билдиришим мумкин», дея Неймарнинг сўзларидан иқтибос келтирмоқда «Marca» нашри.