Туркиянинг “Фенербахче” клуби ёзги трансфер ойнасида янги дарвозабонни сотиб олмоқчи. Нуфузли инсайдер Фабрицио Романонинг ижтимоий тармоқларда хабар беришича, Истанбул клуби "ПСЖ" футболчиси Кейлор Навасга жиддий қизиқиш билдирмоқда. Лига1 гранди 36 ёшли коста-рикалик футболчини шу ёзда сотишга тайёр.
Эслатиб ўтамиз, Навас 2022/2023 йилги мавсумнинг иккинчи қисмини Англиянинг "Ноттингем Форест" клубида ижара асосида ўтказди.
Қайд этилишича, Хорватия терма жамоаси дарвозабони Загребнинг “Динамо” клубидан Доминик Ливакович ҳам “Фенербахче” қисқа рўйхатидан жой олган.
