Туриннинг "Ювентус" клуби раҳбарияти "Барселона" ярим ҳимоячиси Франк Кессиэга қизиқиш билдирмоқда.

Инсайдер Габриэль Санзнинг сўзларига кўра, "кекса синёра" 26 ёшли ивуарлик футболчининг трансфери учун "Барселона"га мурожаат қилишдан олдин биринчи навбатда учта ярим ҳимоячидан халос бўлишни истайди.

Айни дамда “Ювентус”да Уэстон Маккенни, Дэнис Закария ва Артур Мело каби ярим ҳимоячилар кетадиганлар рўйхатидан ўрин олган.

Кессиэнинг ўзи аввалроқ “Милан” ва “Аталанта”да ўйнаган ва А Серияга қайтишга тайёр. Унинг трансфери 35 миллион еврога баҳоланмоқда.