Италия чемпионатининг 11-турида марказий учрашув «Ювентус» в Миланнинг «Интер» жамоалари ўртасидаги учрашувда кечди.

Чемпионат пешқадамлигини ўзида сақлаб турган «Ювентус» ўз уйида 18-сониядаёқ Артуро Видалнинг зарбасидан сўнг ҳисобда олдинга чиқиб олишганди. Бу вазиятда офсайд борлиги такрорий лавҳада яққол кўзга ташланганди. Бунинг хунини миланликлар иккинчи бўлимда чиқариб олишди Милитонинг дубли ва Паласионинг сўнгги дақиқаларда киритган голи «Интер»га ғалаба келтирган бўлса, «Ювентус»нинг миллий чемпионатдаги 49 учрашувдан иборат мағлубиятсиз сериясига чек қўйди.

Миланнинг бошқа бир жамоаси «Милан» эса бироз ўзига кела бошлади. Жамоа бу турда ўз уйида «Кьево»ни қабул қилиб йирик ҳисобда ғалаба қозонди. Сўнгги учрашувларда жамоанинг учрашувларини голсиз тарк этмаётган Стефан Эл-Шааравий бу сафар ҳам ғалабага ўзининг голи ва паси билан ҳисса қўшди.

ИТАЛИЯ ЧЕМПИОНАТИ
11-ТУР

МИЛАН – КЬЕВО 5:1 (3:1, 2:0)
Голлар: Эмануэлсон (16), Монтоливо (36), Боян (41), Эл-Шааравий (75), Паццини (90+1) – Пеллиссье (18).
Милан: Аббьяти, Абате (Де Шильо, 86), Сапата, Мексес, Монтоливо (Н. де Йонг, 76), Амброзини, Констан, Эмануэлсон (К. Боатенг, 68), Эл-Шааравий, Боян, Паццини.
Кьево: Соррентино, Папп, Н. Фрей, Андреолли, Драме (Стоян, 60), Дайнелли, Хетемай , Гуана, Лусиано (М. Ригони, 55), Теро, Пеллиссье (Ди Микеле, 72).
Огоҳлантиришлар: Драме (5), Гуана (55).

ЮВЕНТУС – ИНТЕР 1:3 (1:0)
Голлар: Видаль (1) – Милито (59, пенальти, 76), Паласио (89).
Ювентус: Буффон, Кьеллини, Бонуччи, Бардзальи, Лихтштайнер (М. Касерес, 38; Куальярелла, 78), Пирло, Маркизио, Асамоа, Видаль, Вучинич (Бендтнер, 46), Жовинко.
Интер: Ханданович, Жуан Жезус, Самуэль, Раноккия, Нагатомо, Х. Дзанетти, Гаргано, Камбьяссо, Милито (Мудингайи, 80), Паласио, Кассано (Гуарин, 69).
Огоҳлантиришлар: Лихтштайнер (30), Самуэль (33), Пирло (48), Кьеллини (51), Бонуччи (62), Барзальи (74), Х. Дзанетти (85).