"Равшан" ҳамда "Андижон" (1:1) жамоалари ўртасидаги ўртоқлик ўйинидан кейин "Равшан" жамоаси бош мураббийи Тоҳир Мўминов "Андижон" матбуот хизматига ўз фикрлари билан ўртоқлашди.

- Дастлаб, ўйин хусусидаги фикрларингиз билан ўртоқлашсангиз.

- Албатта, учрашув тўғрисида яхши фикрдаман. Иккита ўйин ўтказдик ва яхши таассуротлар қолди. Биринчи “Бухоро”, кейин эса мана “Андижон” билан ўртоқлик учрашувини ўтказдик. Бундай баҳслар бизга ОФК Кубогига яхшигина тайёргарлик вазифасини бажарди, деб ўйлайман. Агар яна имконият бўлса, шундай жамоалар билан ўртоқлик ўйинлари ўтказишни хоҳлардим. Мана шундай учрашувлар орқали футболчиларимизнинг тайёргарлик жараёнлари шаклланиб боради. Бугунги учрашув ҳужумкор ва дўстона рухда кечди ва менга ҳар томонлама ёқди.

- Демак, ўйиндан қониқдингиз-а?

- Албатта, қониқдим. Аввалги учрашувимизга қараганда, бу ўйинда озгина фарқли томонлари сезилди. “Андижон”га қарши жамоамни яхши тайёрлагандим.

- Собиқ жамоангиз ҳақида нима дея оласиз?

- Албатта, ўзбек ва тожик футболи ривожланиб боряпти. Мен “Андижон” жамоасига иккинчи даврада омад тилайман. Табиийки, бу клубга мухлислик қиламан. Турнир жадвалида юқори ўринларда бўлишини хоҳлайман. Асосий таркиб сақланиб қолиниб, тайёргарлик жараёнлари яхши ўтса, ўйлайманки, “Андижон” кучли клублар қаторига киради. Бу борада уларга омад тилайман.