Журналист Саша Тавольерининг хабар беришича, "Лейпциг" “Генк”нинг 24 ёшли ҳужумкор ярим ҳимоячиси Майк Трезорни ўз сафига қўшиб олиш имкониятини кўриб чиқмоқда.
Тавольерининг сўзларига кўра, клуб ва Трезор агенти ўртасида аллақачон шартнома бўйича музокаралар бўлиб ўтган, бироқ икки томон ўртасида ҳали трансфер масаласи муҳокама қилинмаган. Спортчи уни ўз сафига қўшишга қизиқаётган жамоалардан бири бўлган "Кристал Пэлас"га ўтишни истамаслигини айтди.
Трезор ўтган мавсумни жуда ишончли ўтказди: 42 ўйинда 24 та голли узатма ва 8 та гол.