Инсайдер Флориан Плеттенбергнинг сўзларига кўра, "Вест Хэм" ярим ҳимоячи Деклан Райс ўрнини тўлдириш устида ишламоқда.

Лондонликлар "Челси" ярим ҳимоячиси Конор Галлахер билан музокаралар олиб бормоқда. Жараён ижобий давом этмоқда, томонлар 25-35 миллион евролик трансфер суммасини муҳокама қилишмоқда, футболчи фаолиятини шу клубда давом эттиришга қарши эмас.

"Вест Хэм" яна бир номзод сифатида "Бавария" футболчиси Леон Горетцкани кўрмоқда. Мюнхенликлар бош мураббийи Томас Тухель футболчини режаларига киритмаган, аммо Леон барча таклифларни рад этиб, клубда қолишга интилмоқда. "Бавария" унинг учун 40-50 миллион евро сўрайди.

Галлахер 2008 йилдан буён “Челси”да тўп тепади. Ўтган мавсумда у 45 та ўйинда 3 та гол урди ва 1 та голли узатмани амалга оширди.