Франциянинг “Ланс” клуби етакчиларидан бири Секо Фофана расман “Ан-Наср” клуби футболчисига айланди.
"Ан-Наср" клуби ижтимоий тармоқларида ивуарлик ярим ҳимоячининг трансфери расман тасдиқланди. Олдинроқ 28 ёшли футболчининг келишув суммаси 30 миллион еврони ташкил этиши хабар қилинганди. Фофана билан шартнома 3 йилга тузилган.
Эслатиб ўтамиз, Фофана 2020 йилдан бери "Ланс" сафида ўйнаб келмоқда. Ўтган мавсумда у Франция чемпионатида 35 та ўйинда майдонга тушиб, 7 та гол ва 5 та голли узатмани амалга оширган.
Унинг "Ан-Наср"даги жамоадошлари Криштиану Роналду, Марсело Брозович, Давид Оспина ва Талиска бўлади.
