Мюнхеннинг "Бавария" клуби "Наполи" ҳимоячиси Ким Мин Чже билан шартнома имзолаганини расман эълон қилди.
Мюнхенликлар расмий сайти футболчи билан 2028 йилнинг 30 июнигача амал қиладиган беш йиллик шартнома имзолагани ҳақида хабар берди.
26 ёшли Ким ўтган мавсумда "Наполи"га 33 йил ичида биринчи марта Италия чемпиони бўлишига ёрдам берди. 2022 йилнинг ёзида "Фенербахче"дан кўчиб ўтганидан сўнг, у неаполликларнинг асосий таркибидан мустаҳкам ўрин олди ва барча мусобақаларда 45 та ўйин ўтказиб, 2 та гол урди ва 2 та голли узатмани амалга оширди.
