"Барселона" ёзда ўзининг қанот ярим ҳимоячиси Рафинья Диазни сотишни режалаштирмаяпти. Sport нашри хабарига кўра, "кўк-анорранглилар" раҳбарияти бразилиялик футболчини дахлсиз деб ҳисоблайди.
Эслатиб ўтамиз, Рафинья сўнгги пайтларда Риёд Махрезга ўринбосар қидираётган "Манчестер Сити"нинг асосий трансфер мақсадига айланди. Жазоирлик футболчи ҳозирда Саудия Арабистонига кўчиб ўтишга яқин турибди, у ерда уни "Ал-Аҳли" клуби кутмоқда.
Рафиньянинг ўзи ҳам "Манчестер Сити"га ўтишни қатъиян рад этади. Аввалроқ, футболчи Англия Премьер-лигасида ўйнаган ва у ерда икки мавсум давомида "Лидс" шарафини ҳимоя қилган.
