"Барселона" марказий ҳимоячиси Рональд Араухо жамоа сардорлиги ҳақида фикр билдирди.
24 ёшли уругвайлик ҳимоячи бўлажак мавсумда "кўк-анорранглилар"нинг тўртта сардоридан бири ролига номзод сифатида кўрилмоқда.
"Мен сардорлардан бири бўлишга тайёрманми? Бу шараф бўларди, лекин бу менга боғлиқ эмас. Сардорлик боғичини тақиб юришимдан қатъий назар, мен ўзимни етакчи деб биламан", - деди Араухо.
Рональд Араухо 2018 йилда "Барселона" сафига қўшилган эди. У Каталония жамоаси сафида 113 та ўйинда 7 та гол урган. Ўтган мавсумда марказий ҳимоячи барча мусобақаларда 31 та ўйинда майдонга тушди.
