Мадриднинг «Реал» клуби яримҳимоячиси Месут Ўзил эртага бўладиган «Боруссия»га қарши учрашуви олдидан ўз фикрларини билдириб ўтди.

«Бизнинг мақсадимиз қўлимиздан келадиган барча ишдан максимал даражада фойдаланишдир. Биз мавсум бошида жуда кўп очко йўқотдик. Аммо шунга қарамай биз ўз кучимизга ишонамиз. Охирги вақтда ўз ўйиним ёқяпти. Лекин унутмангки, мен робот эмас, инсонман. Шунинг учун хатолар бўлиши табиий».

«Биз эртанги учрашувда ғалаба қозонишни истаймиз. Бизда Дортмундда муаммолар пайдо бўлганди. Бу сафар эса энди ўз уйимизда ўйнаяпмиз ва бу бизга уч очко ишлаб олишимизга ёрдам беради, деб ишонаман. Мухлисларимиз бизни қўллаб-қувватлаб туришади. Агар биз худди мураббийларимиз айтганидек ўйин кўрсатадиган бўлсак, муваффақиятга эришамиз», дея Ўзилнинг сўзларидан иқтибос келтирмоқда УЕФА расмий сайти.