"Реал Сосьедад" сафида ўйнаётган 37 ёшли ярим ҳимоячи Давид Силва фаолиятини якунлашга қарор қилди. Бу ҳақда El Larguero нашри хабар бермоқда.
Манбанинг маълум қилишича, футболчи тиззасининг хочсимон боғламлари шикастлангани учун бутсасини михга осиб қўйишга қарор қилди. У жамоанинг сўнгги машғулотларидан бирида жароҳат олганди.
Давид ҳозирги жамоасига 2020 йилнинг ёзида "Манчестер Сити"дан ўтган эди. Ярим ҳимоячи ўтган мавсумда "Реал Сосьедад" сафида барча турнирлар доирасида 34 та ўйинда майдонга тушиб, 3 та гол ва 7 та голли узатмага муаллифлик қилган.
