Ҳужумчи Виктор Осимхен “Наполи” билан меҳнат шартномасини узайтириш борасида ҳалигача келишмаган.
Италия матбуоти хабарига кўра, бир неча кун аввал 24 ёшли нигерияликнинг агенти Роберто Календа музокара жараёнини ўтказиш учун Неаполга келган.
La Gazzetta dello Sport хабарига кўра, Осимхеннинг агенти янги шартномада товон пули 90 миллион евро бўлишини истамоқда, аммо бу "Наполи" учун етарли эмас.
Il Corriere dello Sport хабарига кўра, товон пули 100 миллион евродан ошади, "Наполи" президенти Аурелио де Лаурентис эса уни 200 миллионга етказмоқчи.
Шунингдек, Италия ОАВ Осимхен ва “Наполи” футболчининг маоши борасида ҳалигача келиша олмаганини ёзмоқда.
Виктор Осимхеннинг амалдаги меҳнат шартномаси 2024/2025 йилги мавсум охиригача амал қилади.
