Ярим ҳимоячи Эмре Жан Дортмунднинг "Боруссия" клуби билан шартномасини узайтирди, дея хабар беради клуб расмий сайти.
Янги меҳнат шартномаси 29 ёшли футболчини 2026 йил июнь ойи охиригача "асаларилар" билан боғлайди.
Эмре Жан 2020 йилнинг январь ойи охирида "Боруссия"га ўтган эди. Ўшандан бери немис футболчиси дортмундликлар жамоаси сафида 121 та расмий ўйин ўтказган. Уларда Жан 12 та гол урган ва шерикларига 8 та голли узатма ёздириб қўйди.
Германия чемпионатининг биринчи турида “Боруссия” ўз майдонида “Кёльн”ни қабул қилади. Учрашув 19 август, шанба куни бўлиб ўтади.
