"Челси" бош мураббийи Маурисио Почеттино ўзи ишламоқчи бўлган футболчилар ҳақида гапирди.
"Мақсадимиз нафақат яхши ўйнаш, балки ғалаба қозониш ҳамдир. Ғалаба қозониш учун бизга яхши футболчилар керак.
Менга фақат бошқариш осон бўлган ўйинчилар керак эмас. Менга майдонда фойдали бўладиган ва жамоанинг ғалабасига ёрдам берадиган футболчилар керак.
Бошқа ҳеч нарса. Менга жамоани муваффақиятга етаклай оладиганлар керак", - деди Почеттино клуб матбуот хизматига.
Эслатиб ўтамиз, "Челси" ўтган мавсумда Премьер-лигада атиги 12-ўринни эгаллаган эди. Маурисио Почеттино ёзги мавсумда Лондон жамоасини бошқарган эди.
