Испаниянинг “Севилья” клуби ўз дарвозабони Яссин Бунуни “Бавария”га сотишдан бош тортди. Журналист Лука Бендонининг ёзишича, Андалусия клуби немисларнинг 8 миллион евро + яна 4 миллион бонусга тенг бўлган таклифини рад этган.
Манбанинг хабар беришича, марокашлик учун бирданига 12 миллион евро тўлашга тайёр бўлган пойгада Франциянинг “ПСЖ” клуби ҳам иштирок этмоқда. "Бавария" "ПСЖ" билан пойгада қатнашишни истамайди деган хабарлар ҳам бор.
Эслатиб ўтамиз, "Бавария" имкон қадар тезроқ "Интер"га ўтмоқчи бўлган Янн Зоммернинг ўрнига футболчи қидирмоқда. Мюнхен клубига Мануэль Нойер ўрнига янги ўйинчи керак.