АҚШда янги мавсумга тайёргарлик кўраётган "Арсенал" ва "Манчестер Юнайтед" клублари ўзаро ўртоқлик учрашувида майдонга тушишди.

Баҳснинг 30-дақиқасида Бруно Фернандеш ҳисобни очган бўлса, орадан 7 дақиқа ўтиб Жейдон Санчо фарқни оширди. Ушбу ҳисоб ўйин охиригача ўзгармай қолди. Учрашувдан кейин жамоалар мухлислар учун пенальтилар сериясида ўз омадларини синаб кўришди. Унда ҳам "МЮ" 5:3 ҳисобида ғалаба қозонди.

Ўртоқлик ўйини
Арсенал Англия – Манчестер Юнайтед Англия 0:2 (0:2, 0:0), Пенальтилар бўйича - 3:5
Голлар: 0:1 – 30 Бруну Фернандеш, 0:2 – 37 Санчо.
Арсенал – Рэмсдейл, Тимбер (Уайт, 59), Габриэл, Салиба (Жоржиньо, 71), Томиясу (Тирни, 46), Эдегор, Райс (Парти, 58), Хавертц (Смит-Роу, 71), Сака (Фабиу Виейра, 72), Мартинелли (Габриэл Жезус, 58), Нкетиа (Троссард, 71).
Манчестер Юнайтед – Хитон, Уан-Биссака (Диогу Далот, 46), Варан (Магуайр, 46), Мартинес (Линделеф, 46), Шоу (Уильямс, 46), Бруну Фернандеш (Мактоминей, 46), Маунт (Эриксен, 46), Майну (Каземиро, 46), Санчо (Рэшфорд, 46), Антони (Диалло, 46; Пельистри, 59), Гарначо (Форсон, 46).