Санти Ауна хабарига кўра, "Ан-Наср" "Барселона" вингери Усмон Дембелени сотиб олишга ҳаракат қилмоқда.
Саудия клуби 50 миллион евро миқдоридаги товон тўлашга тайёр бўлганидан ташқари, футболчининг ўзига мавсумига 40 миллион эвазига 5 йиллик шартнома таклиф қилинган, бироқ француз бу таклифни рад этган.
"Барселона" футболчи билан янги шартнома борасида музокараларни давом эттирмоқда.
Олдинроқ, агар Килиан Мбаппе жамоани тарк этса, Дембеле "ПСЖ"нинг асосий мақсади экани хабар қилинганди.
Кеча, 22 июнь куни парижликларнинг адвокатлари ва Мбаппе футболчининг кетиши борасида музокара олиб бораётгани ҳақида хабарлар тарқалган эди.
