"ПСЖ"нинг янги бош мураббийи Луис Энрике раҳбариятнинг парижликлар ҳужумчиси Килиан Мбаппе билан шартномасини узайтирмаса, уни ўйинлардан четлатишга қарор қилиши мумкин бўлган ғояни қўллаб-қувватламади.
Relevo нашри хабарига кўра, испаниялик мутахассис агар футболчи жамоада қолса, Мбаппени иложи борича жамоадан узоқроқ тутиш бўйича буйруқларни бажармайди.
Энрикенинг фикрича, 24 ёшли франциялик футболчи Қатар раҳбариятининг босимига қарамай, жамоа ўйинини кучайтиради.
Эслатиб ўтамиз, Мбаппенинг "ПСЖ" билан шартномаси келаси ёзда якунига етади. Парижликлар футболчидан шартномани узайтиришга рози бўлишини исташмоқда. Агар узайтирилмаса, клуб бу ёзда ҳужумчини сотишга ҳаракат қилади.
