Бирмингемнинг “Астон Вилла” клуби бош мураббийи Унаи Эмери Леверкузеннинг “Байер” клубидан ҳужумкор ярим ҳимоячи Мусса Диабининг трансфери ҳақида гапирди.
“Мусса қанотда ҳам, маркзий ҳужумда ҳам ўйнаши мумкин. Унинг энг яхши фазилатлари - ҳужум қилиш ва дриблинг қилиш қобилияти. Унинг Европада ўйнаш тажрибаси бор. Диаби анча ёш футболчи, у жамоамизнинг кучайишига ёрдам беради", - дея хабар беради клуб матбуот хизмати испаниялик мутахассис сўзларини келтириб.
Битим суммаси ошкор этилмаган. Transfermarkt маълумотларига кўра, Диаби 50 миллион еврога баҳоланган.