Лондоннинг "Арсенал" клуби Франция терма жамоаси ва "ПСЖ" ҳужумчиси Килиан Мбаппе учун кураш олиб бориши мумкин.
24 ёшли ҳужумчи ушбу ёзда Париж грандини тарк этиши мумкин. Тўпурар янги шартнома имзолашни истамагани учун клуб уни сотишга тайёр.
Football Transfers нашри хабарига кўра, "канонирлар" бразилиялик ҳужумчи Габриэль Мартинеллини шартномага қўшишга тайёр. Жанубий америкалик футболчининг трансфер нархи 80 миллион еврога баҳоланмоқда. "ПСЖ" ўз навбатида Мбаппенинг сотувидан 200 миллион еврога яқин даромад олмоқчи.
Килианнинг Франция чемпиони билан амалдаги шартномаси келаси йилнинг ўрталарига қадар амал қилади.
