"Бенфика" Жоау Феликсни қайтариш ҳақида ўйламоқда.
AS нашри хабарига кўра, агар ярим ҳимоячи ёзги трансфер ойнаси тугагунига қадар янги клуб топмаса, Португалия клуби Феликс бўйича таклиф билан чиқишга тайёр. "Бенфика" Феликсни ўзиники деб билади ва клуб мухлислари унинг қайтиш эҳтимолидан мамнун.
Шу билан бирга, таъкидланишича, "Бенфика" Феликснинг трансфери ва футболчининг маошини кўтара олмайди, аммо клуб "Атлетико" трансфер ойнаси охиригача ён беришини кутмоқда. Феликснинг клуб билан муносабатлари таранглигича қолмоқда ва португалиялик кетишдан манфаатдор.
