Мадриднинг “Атлетико” клуби ярим ҳимоячиси Сауль Ньигес “Галатасарой” таклифини рад этади.
Турк клуби 28 ёшли футболчининг вакили билан музокара олиб борган, бу ҳақда бироз аввалроқ маълум бўлганди. Бироқ журналист Маттео Мореттонинг фикрича, Сауль "Галатасарой"га ўтишдан манфаатдор эмаслиги сабабли ўтиш эҳтимоли жуда паст. Айни дамда испаниялик ярим ҳимоячи бундай имкониятни ўйлаб ҳам кўрмаяпти.
Сауль Ньигеснинг "Атлетико" билан амалдаги шартномаси 2026 йилнинг июнигача мўлжалланган. “Матрасчилар” сафида 378 та ўйин ўтказган футболчининг трансфер нархи Transfermarkt портали томонидан 10 миллион еврога баҳоланган.
