Канаданинг “Торонто” клуби вингери Федерико Бернардески А Серияга қайтиш ҳақида ўйлаётганини тан олди.
29 ёшли футболчи 2022 йилнинг ёзида текинга "Ювентус"дан "Торонто"га кўчиб ўтганди.
“Италия менинг ватаним ва мен уни соғиндим. Бироқ, мен ҳозир “Торонто” футболчисиман, деб айта оламан, аммо таклифлар бўлса, клуб ва мен уларни кўриб чиқишга тайёрмиз. Бошқа клублардан сизга бўлган қизиқиш ҳақида билиш ҳар доим ёқимли. Келинг, вазият қандай ривожланишини кўриб чиқайлик", - дея Бернардески сўзларини келтиради Sky Sports Italia.
Бернардески “Торонто” сафида жами 36 та ўйин ўтказиб, 11 та гол урди ва 5 та голли узатмани амалга оширди.
