Лондоннинг «Челси» клуби бош мураббийи Роберто Ди Маттео «Шахтёр»га қарши учрашув борасида ўз фикрларини билдириб ўтди.

«Яхши жамоа устидан ғалаба қозондик. Биз ўйинда ҳам яхши ҳаракат қилдик. Икки марта ҳам ҳисобда олдинга чиқиб олгандик. Сўнгги голни биз кеч киритдик. Буни муваффақият дейиш мумкин».

«Шахтёр» бизга бегона эмасди. Мен уларни жуда яхши билардим: ўйин услубини ва бугун бизга муаммолар туғдиришини. Биз ўта мураккаб гуруҳдан жой олганмиз ва барчасига сўнгги турда ойдинлик киритилади. «Шахтёр» бугун яхши ўйин кўрсатган бўлиши мумкин. Бироқ биз кўпроқ вазиятларни яратдик».

«Виллиан — фантастик футболчи. Фернандиньо ҳам. «Шахтёр» ҳам яхши жамоа, аммо бугун биз ҳақиқий имкониятларимиздан фойдалана олдик», дея Ди Маттеонинг сўзларидан иқтибос келтирмоқда «Футбол» телеканали.